काठमाडौं । नेपाल प्रिमियर लिग (एनपिएल) क्रिकेटको समूह चरणका खेल सकिएका छन् । आइतबार कर्णाली याक्स र जनकपुर बोल्ट्स बीचको खेल सकिदा समूह चरणका सबै खेल सकिएका हुन् ।

समूह चरणका खेल सकिदा २ सतक र ३५ अर्धशतक बनेका छन् । २९ खेलाडीले ३५ वटा अर्धशतक बनाए भने दुई खेलाडीले सतक बनाए । अब मंगलबारदेखि प्लेअफका खेल सुरु हुने छ ।  आइतबार जनकपुर बोल्ट्सका सञ्जय कृष्णमूर्तिले सतक बनाएसँगै समूहचरणमा ३५ अर्धसतक बने । उनको जारी सिजनमा दोस्रो अर्धशतकसमेत हो । यो सिजनमा चितवन राइनोजका रवि बोपराले हालसम्म सबै भन्दा धेरै तीन अर्धसतक बनाएका छन् । त्यस्तै पोखरा एभेन्जर्सका कुशल भुर्तेल, पोखराकै एडम रोसिङटनले र कर्णाली याक्सका प्रियान्क पन्चालले दुई÷दुई अर्धशतक बनाए ।

जारी सिजनमा सुदूरपश्चिम रोयल्स र विराटनगर किंग्सका ५÷५ जना खेलाडीले अर्धशतक बनाएका छन् । जारी सिजनको समूहचरणमा सुदूरपश्चिम रोयल्सका  विनोद भण्डारी, जोश ब्राउन, हरमित सिंह, क्रिश लिन ईशान पाण्डेले अर्धशतक बनाएका छन् । त्यस्तै विराटनगर किंग्सका  लोकेश बम, साम हिजलेट, फाफ डू प्लेसिस,  मार्टिन गुप्टिल,  बसिर अहमदले अर्धसतक बनाएका छन् ।

त्यस्तै पोखराका सुमित बर्मा, जिमी निशम, ऋषी धवन, चितवनका  डेविड मलान र अर्जुन साउँद, काठमाडौँ गोर्खाजका भीम सार्की, जोन सिम्प्सन, बेन चाल्र्सवर्थ, कर्णालीका मार्क वाट, लुम्बिनीका  डार्सी सर्ट, जनकपुर बोल्ट्सका वायन पार्नेल, माज सदाकत, अनिल शाह र आशिफ शेखले एक÷एक अर्धशतक हिर्काएका छन् ।

यो सिजनको समूहरचणका खेल सकिदाँ दुई वटा शतक बनेका छन् । दुवै सतक प्रहार गर्ने टोलि प्लेअफमा पुग्न भने असफल भएका छन् । यो सिजनको हालसम्म कर्णालीका मार्क वाट र पोखराका एडम रोसिङटनले मात्रै शतक प्रहार गरेका छन् ।