काठमाडौं । नेपाल प्रियिमर लिग (एनपीएल) क्रिकेटको दोस्रो संसरणको उपाधि लुम्बिनी लायन्सले जितको छ । आज भएको फाइनलमा सुदूरपश्चिम रोयल्सलाई ६ विकेटले पराजित गर्दै लुम्बिनीले उपाधि जितेको हो ।

सुदूरपश्चिमले दिएको ८६ रनको झिनो लक्ष्य लुम्बिनीले ९ ओभरमा  ४ विकेट गुमाएर पुरा गर्‍यो । उसका लागि दिनेश अधिकारीले ४२ रनको पारी खेले । उनले जम्मा १३ बलमा ५ छक्का र १ चौका प्रहार गरे । त्यस्तै कप्तान रोहित पौडेलले १६ रनको योगदान दिए । सुदूरपश्चिमका लागि हेमन्त धामी र अभिनाष बोहोराले २/२ विकेट लिए ।

यस अघि टस जितेर पहिले ब्याटिङ गरेको सुदूरले निकै खराब प्रदर्शन गर्दै १९.१ ओभरमा अलआउट हुँदै ८६ रन मात्रै बनाउन सक्यो । उसका लागि इशान पाण्डेले सार्वधिक ३३ रनको योगदान दिए । त्यस्ते कप्तान दीपेन्द्र सिंह ऐरिले १३ रनको योगदान दिए ।  त्यस्तै स्कट कुग्गेलिजन र हरमित सिंहले समान १०÷१० रन बनाए भने हेमन्त धामीले पनि १० रनको योगदान दिए । अन्य खेलाडीको प्रदर्श सम्झना लायक रहेन ।

सुदूरपश्चिमलाई सस्तैमा समेट्ने क्रममा लुम्बिनीका कप्तान रोहित पौडेल र शेर मल्लले रुबेन ट्रम्पेलम्यानले समान ३/३ विकेट लिए । रोहितले आजको फाइनलमा ह्याट्रिक नै पुरा गरे । तिलक राज भण्डारीले पनि एक विकेट लिए ।