काठमाडौं । साताको अन्तिम कारोबार दिन प्रि ओपन सेसनमा नेप्से परिसूचक करिब १७ अंक बढेर बन्द भएको छ । अघिल्लो कारोबार दिन अर्थात बुधबार १०.३० अंक बढेर २६४८.९० विन्दुमा बन्द भएको नेप्से, यस दिन सो सेसनमा १६.८९ अंक बढेर २६६५.७९ विन्दुमा पुगेको छ । सो सेसनमा सेन्सेटिभ इण्डेक्स भने ३.९४ अंक बढेको छ ।

बिहीबार प्रि ओपन सेसनमा ७२ स्टकको ९९ पटकको कारोबारमा १ करोड ६५ लाख २७ हजार ४०५ रुपैयाँ ४० पैसाबराबरको २१ हजार १५७ कित्ता सेयर खरिदबिक्री भएको छ । जसमध्ये ४४ स्टकको मूल्य बढेको छ भने २३ स्टकको मूल्य घटेको छ । बाँकी ५ स्टकको मूल्य भने सो सेसनमा स्थिर रहेको छ ।