काठमाडौं । आइतबार सेयर बजार परिसूचक राताम्य भएर बन्द भएको छ । आज सेयर बजारमा शतकीय गिराट आएको छ । आज नेप्से परिसूचक १०५.५० अंकले घटेर २६७६.६८ विन्दुमा पुगेको छ । यो अघिल्लो कारोबार भन्दा ३.७९ प्रतिशतले कम हो ।

आज सेयर बजारमा २६१ कम्पनीको सेयर मूल्य घटेको छ भने ७ कम्पनीको सेयर मूल्य मात्रै बढेको छ । आज सेन्सेटिभ इन्डेक्स पनि १५.६२ अंकले घटेर ४५७.६१ विन्दुमा पुगेको छ । आज सबै १३ वटै उपसूचकको सेयर मूल्य घटेको छ ।

१०० अंक भन्दा बढीको गिरावट आएको दिन बजारमा १२ अर्ब माथिको कारोबार भएको छ । आज ३४५ कम्पनीका ३ करोड १२ लाख ६ हजार १६२ कित्ता सेयर १ लाख ४१ हजार ३६ पटक खरिद बिक्री हुँदा १२ अर्ब ३८ करोड ९ लाख १४ हजार ५७० रुपैयाँको कारोबार भएको छ ।

आज सेयर बजारमा ६ वटा कम्पनीको सेयर मूल्यमा सकारात्मक सर्किट लागेको छ भने ७ वटा कम्पनीको सेयर मूल्यमा नकारात्मक सर्किट लागेर कारोबार भएको छ ।