काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले देश रास्वपाको हातमा रहेको र सुरक्षित रहेको बताएका छन् । पार्टीको सुरु भएको पहिलो महाधिवेशनको उद्घाटन सत्रलाई सम्बोधन गर्दै अन्य पार्टीका नेताहरूलाई लामिछानेले यस्तो बताएका हुन् ।

‘देश रास्वपाको हातमा छ, देश सुरक्षित छ । बदलिएको परिस्थितिले हामीलाई सबैभन्दा शक्तिशाली पार्टी बनाएको छ,’ लामिछानेले भने ।

उनले लोकतन्त्रका स्थायी मान्यता, संविधान, मानवअधिकार लगायत थुप्रै उपहारको जगेर्ना गर्ने बताए । पार्टीलाई लडाउने शक्ति अबको युगमा कसैमा आउन नसक्ने उनले दाबी गरे ।