काठमाडौं । इन्डोनेसियामा ज्वालामुखी विस्फोटनपछि लगभग ३ हजार उडान अवरुद्ध भएका छन् । राजधानी जकार्ताबाट लगभग १५० किलोमिटर टाढा अवस्थित अनाक क्राकाटाउ ज्वालामुखी शुक्रबार राति अबेर विस्फोट हुन सुरु भएको हो ।

यसले लाभाका फोहराहरु निस्कन थाले र ज्वालामुखीको खरानी राजधानी जकार्ता र लाम्पुङ प्रान्तमा पुग्यो । जकार्ताको सोकार्नो–हट्टा अन्तर्राष्ट्रिय विमानस्थल स्थानीय समयअनुसार बिहान ६ बजे पुनः खोल्ने तालिका थियो। तर, विमानस्थल वरिपरि ज्वालामुखीको खरानीका कारण उडान स्थगित गरिएको छ ।

विमानस्थलले एक विज्ञप्तिमा भनेको छ कि उडानहरु अब भोलि बिहान १२ बजे पुनः सुरु हुनेछन्। नागरिक र सैन्य उडानहरुका लागि प्रयोग गरिने सानो हलिम पेर्दानाकुसुमा विमानस्थल पनि त्यतिन्जेलसम्म बन्द रहनेछ । सोमबार जकार्ताको सोकार्नो–हट्टा अन्तर्राष्ट्रिय विमानस्थलको प्रस्थान कक्षमा यात्रुको लामो लाइन देखिए। टिकट फिर्ता र उडान कहिले सुरु हुन्छन् भन्ने जानकारी प्राप्त गर्न अलपत्र यात्रु लाइनमा बसेका छन् ।

फिना नामक एक यात्रु आइतबार बिहान पूर्वी जाभा सहर मलाङबाट जकार्ता फर्कने कार्यक्रम थियो । उनले विमानस्थलमा अराजकता भएको र उडान तालिका बारम्बार परिवर्तन भइरहेको जानकारी दिए ।