काठमाडौं । सिवाईसी नेपाल लघुवित्त वित्तीय वित्तीय संस्था लिमिटेडले संस्थापक सेयर बिक्रीमा राखेको छ । कम्पनीले संस्थापक समूहको ८८ हजार १८३ कित्ता सेयर बिक्रीमा राखेको हो ।

कम्पनीले विभिन्न १३ जना संस्थापक सेयरधनीहरूको स्वामित्वमा रहेको सो सेयर कम्पनीकै अन्य विद्यमान संस्थापक सेयरधनीहरूका लागि बिक्री खुला गरेको हो । बिक्रीमा राखिएको सेयरको न्यूनतम मूल्य प्रतिकित्ता ८६४ रुपैयाँ तोकिएको छ ।

सेयर किन्न इच्छुक संस्थापकले पुस २१ गतेभित्र आवेदन दिनु पर्नेछ । आवेदन कम्पनीको सेयर रजिष्ट्रार आरविवि मर्चेण्ट बैंकिङ लिमिटेड, टेकु वा पोखरास्थित कम्पनीको केन्द्रीय कार्यालयमा बुझाउनु पर्नेछ ।