काठमाडौं । चालु आर्थिक वर्षको दोस्रो त्रैमासिकसम्मको अवधिमा आईएमई लाइफको नाफामा १४ प्रतिशतले बढ्न पुगेको छ। लाइफ इन्स्योरेन्सले सार्वजनिक गरेको चालु आर्थिक वर्षको दोस्रो त्रैमासिकसम्मको अवधिमा गत आवको भन्दा १४.१२ प्रतिशतले बढी देखिएको हो ।

यता चालु आवमा कम्पनीले २६ करोड ७८ लाख रुपैयाँ खुद नाफा कमाएको छ भने कम्पनीले गत आर्थिक वर्षको सोही अवधिमा २३ करोड ४७ लाख रुपैयाँ खुद नाफा आर्जन गरेको थियो । वित्तीय विवरण अनुसार चालु आवमा कम्पनीको आम्दानी र खुद बीमाशुल्क आर्जनमा वृद्धि भएकाले नाफा बढ्न टेवा पुगेको देखिन्छ ।

कुल आम्दानी गत आवमा २ अर्ब ६५ करोड ४४ लाख रुपैयाँ रहेकोमा चालू आवमा बढेर ३ अर्ब १४ करोड ६५ लाख रुपैयाँ पुगेको भने खुद बीमाशुल्क आर्जन गत आवमा १ अर्ब ९९ करोड ५७ लाख रुपैयाँ रहेकोमा चालू आवमा बढेर २ अर्ब ३३ करोड ९३ लाख रुपैयाँ पुगेको कम्पनीले सार्वजनिक गरेको विवरणमा देखिएको छ।

चालु आवको दोस्रो त्रैमासम्म आइपुग्दा कम्पनीको जीवन बीमा कोषको आकार पनि बढेर १० अर्ब ८७ करोड २६ लाख रुपैयाँ कायम भएको छ । कम्पनीको चुक्ता पुँजी ५ अर्ब रुपैयाँ रहेको छ भने कम्पनीले दोस्रो त्रैमाससम्म रिटेन्ड अर्निङमा १३ करोड ८२ लाख रुपैयाँ, महाविपत्ति कोषमा २१ करोड ७५ लाख रुपैयाँ र सेयर प्रिमियममा ५२ करोड ३८ लाख रुपैयाँ रहेको हो ।

साथै,समिक्षा अवधिमा कम्पनीको प्रतिसेयर आम्दानी भने ११ रुपैयाँ ७४ पैसाबाट घटेर १० रुपैयाँ ७१ पैसा कायम भएको अवस्थामा यता कम्पनीको प्रतिसेयर नेटवर्थ १५२ रुपैयाँ २३ पैसा कायम रहन पुगेको छ।