काठमाडौं । साताको सेयर कारोबार अन्तिम दिन बिहीबार सेयर बजार परिसूचक दोहोरो अंकले बढेर कारोबार बन्द भएको छ । आजको कारोबार बन्द हुँदा नेप्से परिसूचक १९ दशमलव ०४ अंकले बढेर २६८८ दशमलव ५५ विन्दुमा पुगेको हो ।

आज सेयर बजारमा कारोबार भएका कम्पनीमध्ये १०४ कम्पनीको सेयर मूल्य बढेको छ भने १४२ कम्पनीको घटेको छ । त्यस्तै १ कम्पनीको सेयर मूल्य स्थिर रहेको छ । त्यस्तै आज ‘क’ वर्गका कम्पनीको मापक सेन्सेटिभ इन्डेक्स पनि ७ दशमलव ०८ अंकले बढेर ४५७ दशमलव ९३ विन्दुमा पुगेको छ । आज सेयर बजारमा १३ उपसूचकमध्ये ९ वटाको सेयर मूल्य घटेको छ भने ४ वटाको मात्रै बढेको छ ।

नेप्से परिसूचक बढे पनि आज कारोबार रकममा भने गिरावट आएको छ । अघिल्लो दिन साढे १० अर्ब माथिको कारोबार भएको बजारमा आज ९ अर्ब ८२ करोड २० लाख ७० हजार ६८२ रुपैयाँ बराबरको कारोबार भएको छ । आज सेयर बजारमा ३१४ कम्पनीका २ करोड २३ लाख ९६ हजार ३२९ कित्ता सेयर ८६ हजार ६८५ पटक खरिद बिक्री हुँदा उक्त रकम बराबरको कारोबार भएको हो ।

आज सेयर बजारमा एउटा कम्पनीको सेयर मूल्यमा सकारात्मक सर्किट लागेको छ भने एउटा कम्पनीको सेयर मूल्यमा नकारात्मक सर्किट लागेको छ ।