काठमाडौं । नेपालले टि–२० विश्वकप छनोट अन्तर्गत सुपर ६ को पहिलो खेलमा सनसनिपूर्ण जित निकालेको छ । नेपालले युएईलाई १ रनले पराजित गरेको हो ।

जितका लागि १४१ रनको लक्ष्य पाएको युएईले निर्धारीत ओभारमा ९ विकेट गुमाएर १३९ रन मात्रै बनाउन सक्यो । उसका लागि अलिशान शराफुले ५१ रनको अर्धशतक प्रहार गरे पनि तो जितका लागि प्रर्याप्त भएन् । त्यस्तै ध्रुव पराशरले पनि ३२ रनको योगदान दिएका थिए । युएईलाई सस्तैमा रोक्ने क्रममा नेपालका लागि दीपेन्द्र सिंह ऐरीले सार्वधिक ३ विकेट लिए । त्यस्तै सोमपाल कामी, गुल्सन झा र सन्दिप लामिछानेले एक एक विकेट लिए ।

त्यस अघि टस जितेर पहिले ब्याटिङ गरेको नेपालले निर्धारीत ओभरमा ६ विकेट गुमाएर १४० रन बनाएको थियो । नेपालका लागि ओपनर आसिफ सेखले ५१ रनको योगदान दिए । अर्का ओपनर कुशल भुर्तेलले २८ रन बनाए । कप्तान रोहित कुमार पौडेलले २० रन बनाए भने गुल्सन झाले १४ र कुशल मल्लले १० रनको योगदान दिए । यो जितसँगै नेपालले सुपर ६ मा दुई अंक जोडेको छ । यो जितसँगै अब नेपालले एक खेल जितेको खण्डमा विश्वकप खेल्ने छ ।