काठमाडौं । नयाँ जलविद्युत आयोजनाहरुबाट थप ४९५ मेगवाट विद्युत राष्ट्रिय प्रसारण प्रणालीमा जोडिएको छ । उर्जा मन्त्रालयका अनुसार  चालु आर्थिक वर्षको पहिलो ६ महिनामा थप ४९५ मेगावाट उत्पादन क्षमता बराबरका नयाँ विद्युत उत्पादन गृहहरू राष्ट्रिय प्रसारण प्रणालीमा आवद्ध भएका छन् ।

२०८२ पुससम्म ४,०८६ मेगावाट (परीक्षणमा रहेका आयोजना र वैकल्पिक ऊर्जाको स्रोतबाट उत्पादित बाहेक) विद्युत उत्पादन भई राष्ट्रिय प्रणालीमा जडान भएको छ । मन्त्रालयले विद्युत उत्पादन बढ्दा यसको खपत पनि बढेको छ । हाल प्रतिव्यक्ति विद्युत खपत ४५० किलोवाट घण्टा पुगेको छ । हालसम्म राष्ट्रिय विद्युत प्रणाली र वैकल्पिक ऊर्जाको स्रोतबाट विद्युतमा पहुँच प्राप्त जनसङ्ख्या ९९.० प्रतिशत पुगेको छ।

यस अवधिसम्म ६६ किलो भोल्ट भन्दा माथिका करिव ७२४७ सर्किट किलोमिटर प्रसारण लाइन तथा १४,१२३ मेगाभल्ट एम्यपाएर क्षमताको सबस्टेशन निर्माण भएका छन् । मन्त्रालयले विद्युत चुहावट पूर्ण रुपमा नियन्त्रणमा आउन नसकेको जनाएको छ । हाल विद्युत चुहावट १२.७३ प्रतिशत रहेको छ।