काठमाडौं । मंगलबार सेयर बजार दोहोरो अंकले बढेर कारोबार बन्द भएको छ । अघिल्ला दुई दिन लगातार रुपमा घटेको बजार आज भने १९.७० अंकले बढेर बन्द भएको हो ।

दिनभरको घटबढ पछि अन्तिममा १९.७० अंकले बढेर नेप्से परिसूचक २८५१.०९ विन्दुमा पुगेको हो । आज सेयर बजारमा १९५ कम्पनीको सेयर मूल्य बढेको छ भने ६३ कम्पनीको घटेको छ । त्यस्तै आज ९ कम्पनीको सेयर मूल्य भने स्थिर रहेको छ ।

आज सेन्सेटिभ इन्डेक्स पनि ३.२६ अंकले बढेर ४८४.८४ विन्दुमा पुगेको छ । आज सेयर बजारमा १३ वटा उपसूचकमध्ये ११ वटाको सेयर मूल्य बढेको छ भने २ वटाको घटेको छ । आज परिसूचक बढे पनि कारोबार रकममा भने गिरावट आएको छ । अघिल्लो दिन १२ अर्ब ९६ करोड माथिको कारोबार भएको थियो भने आज ११ अर्ब माथिको मात्रै कारोबार भएको छ ।

आज ३३९ कम्पनीका २ करोड ७९ लाख ४२ हजार ७७९ कित्ता सेयर १ लाख ३७ हजार ८५७ पटक खरिद बिक्री हुँदा ११ अर्ब ११ करोड २४ लाख १८ हजार ८०६ रुपैयाँको कारोबार भएको छ । मंगलबार सेयर बजारमा ६ वटा कम्पनीको सेयर मूल्यमा सकारात्मक सर्किट लागेर कारोबार भएको छ ।