काठमाडौं । सेयर बजारको ओरालो यात्रा जारी रहेको छ । अघिल्लो दिन पनि घटेको बजार आज पनि घटेर कारोबार भएको हो । आज सेयर बजार परिसूचक ५.७३ अंकले घटेर २७३८.७२ विन्दुमा पुगेको हो ।

आज सेयर बजारमा १६१ कम्पनीको सेयर मूल्य घटेको छ भने ९८ कम्पनीको सेयर मूल्य बढेको छ । त्यस्तै १० कम्पनीको सेयर मूल्य आज स्थिर रहेको छ । त्यस्तै आज सेन्सेटिभ इन्डेक्स पनि ०.०७ अंकले घटेर ४६४.४३ विन्दुमा पुगेको छ । आज सेयर बजारमा १३ उपसूचकमध्ये ११ वटाको सेयर मूल्य घटेको छ भने दुई वटाको मात्रै बढेको छ ।

सेयर बजार घटेको दिन नेप्सेमा ५ अर्ब भन्दा पनि कमको कारोबार भएको छ । आज ३४६ कम्पनीका १ करोड ९ लाख ७७ हजार ७८३ कित्ता सेयर ८० हजार ४२७ पटक खरिद बिक्री हुँदा ४ अर्ब ९१ करोड ६६ लाख २६ हजार ८४८ रुपैयाँको कारोबार भएको छ ।