काठमाडौं । नेपाल विद्युत प्राधिकरणका कार्याकारी निर्देशक कुलमान घिसिङले २/४ घण्टा बिजुली कम आयो भन्दैमा सिमेन्टको मूल्य बढाउन नहुने बताएका छन् । शुक्रबार नेपाल पूर्वाधार पत्रकार समाजको तेस्रो वार्षिक साधारणसभामा बोल्दै घिसिङले लोडसेडिङ हुँदा रमाउने जमात पनि रहेको बताउँदै केही समय बत्ती कम आयो भन्दैमा सिमेन्टको मूल्य बढाउन नहुने बताएका हुन् ।

लोडसेडिङ हुँदा रमाउने जमातले नै लोडसेडिङको हल्ला फैल्याएको उनको भनाइ थियो । उनले अहिले लोडसेडिङ नभएर आयोजनाहरुमा आएको प्राविधिक कारणले केही घण्टा जलविद्युत वितरणमा समस्या भएको बताए । माथिल्लो तामाकोशी र कालिगण्डकी बन्ने वित्तिकै लोडसेडिङ समस्या समाधान हुने दाबी गरे ।

उनले व्यस्त समयमा केहि उद्योगको मात्रै लाईन काटेको जिकिर गर्दै त्यो समयमा नागरिकलाई सहज बनाएको बताए । उनले उद्योगीहरु त्योहि व्यस्त समयमै विद्युत काट्यो भनेर बखेडा झिकेको बताए । ‘तामाकोसी १० दिनमा जोडिएपछि त्यो समस्या पनि हराउँछ,’ उनले भने, ‘नेपालयको पूर्वाधार क्षेत्रमा ठुला ठुला विकासका परियोजनाहरुको काम भइरहेको छ ।

बत्ती र बाटोको विकास भएको छ । जुन हाम्रो ठुलो पूर्वाधारको विकासको अधार हो । नेपालको विद्युत क्षेत्रको ठुलो विकास हुनेवाला छ । यसका लागि ठूलो लगानी आवश्यक रहेको छ । हाम्रा ठूला परियोजनहरुका लागि वैदेशिक लागनी चहिन्छ । लोडसेडिङले उद्योगीहरुको प्रोडक्टीभिटीमा कमी आएको कुरा आएको छ ।’