काठमाडौं । कुमारी बैंक लिमिटेडले संस्थापक समूहको १६ हजार ७६७ कित्ता सेयर बिक्रीमा राखेको छ । उक्त सेयर हाल बैंककै विद्यमान संस्थापक सेयरधनीहरूले मात्रै किन्न पाउनेछन् ।

सेयर किन्न इच्छुक सेयरधनीले ३५ दिनभित्र बैंकको सेयर रजिष्ट्रार कुमारी क्यापिटल लिमिटेड वा बैंककै प्रधान कार्यालयमा निवेदन दिनु पर्नेछ । बिक्रीमा राखिएको सेयरको मूल्य बिक्रेताले तोके बमोजिम हुने बैंकले जनाएको छ । साथै ३५ दिनभित्र उक्त सेयर बिक्री नभएमा सर्वसाधारणमा बिक्री खुला गरिने बैंकले जानकारी दिएको छ ।