काठमाडौं । सानिमा रिलायन्स लाइफ इन्स्योरेन्सको नाफामा सामान्य सुधार देखिएको छ । कम्पनीले आज सार्वजनिक गरेको चालु आर्थिक वर्षको तेस्रो त्रैमासिकसम्मको अपरिष्कृत वित्तीय विवरण अनुसार गत आवको भन्दा नाफा थोरैले बढेको हो ।

वित्तीय विवरण अनुसार चालु आर्थिक वर्षको ९ महिनाको अवधिमा कम्पनीले ३४ करोड ८ लाख रुपैयाँ नाफा आर्जन गरेको छ । जुन गत आर्थिक वर्षको सोही अवधिको तुलनामा ०.९५ प्रतिशतले धेरै हो । गत बर्षको सोहि अवधिमा कम्पनीले ३३ करोड ७६ लाख रुपैयाँ नाफा कमाएको थियो ।

समीक्षा अवधिमा कम्पनीको कुल बीमाशुल्क आर्जन १४ प्रतिशतले वृद्धि भएर ५ अर्ब ४९ करोड ६२ लाख रुपैयाँ पुगेको छ । गत बर्षको सोहि अवधिमा कम्पनीले ४ अर्ब ७९ करोड रुपैयाँ कुल बीमाशुल्क आर्जन गरेको थियो।

त्यस्तै, कम्पनीको खुद बीमाशुल्क आर्जन १४ प्रतिशतले वृद्धि भएर ५ अर्ब ३१ करोड रुपैयाँ पुगेको छ । गत बर्षमा कम्पनीले ४ अर्ब ६५ करोड रुपैयाँ खुद बीमाशुल्क आर्जन गरेको थियो । हाल कम्पनीको जीवन बीमा कोषमा २३ अर्ब २९ करोड रुपैयाँ, महाविपत्ति कोषमा १८ करोड १७ लाख रुपैयाँ रहेको छ । हाल कम्पनीको सेयरपुँजी ५ अर्ब १ करोड ४९ लाख रुपैयाँ रहेको छ । कम्पनीको प्रतिसेयर आम्दानी (ईपीएस)र ९.०६ रुपैयाँ र प्रतिसेयर नेटवर्थ १११.६५ रुपैयाँ रहेको छ ।