काठमाडौं । साताको सेयर कारोबार हुने पहिलो दिन सोमबार सेयर बजार घटेर कारोबार भएको छ । आजको कारोबार बन्द हुँदा नेप्से परिसूचक १.०३ अंकले घटेको हो ।

आजको कारोबार बन्द हुँदा नेप्से परिसूचक २७३०.९१ विन्दुमा पुगेको छ । आज सेयर बजारमा १३२ कम्पनीको सेयर मूल्य घटेको छ भने ११९ कम्पनीको सेयर मूल्य घटेको छ । त्यस्तै आज १८ कम्पनीको सेयर मूल्य स्थिर रहेको छ ।

त्यस्तै आज सेन्सेटिभ इन्डेक्स भने ०.५० अंकले बढेर ४६८.०५ विन्दुमा पुगेको छ । आज सेयर बजारमा १३ उपसूचकमध्ये ८ वटाको सेयर मूल्य घटेको छ भने ५ वटाको बढेको छ । परिसूचकसँगै आज कारोबार पनि घटेको छ । आज सेयर बजारमा ३३९ कम्पनीका ५८ लाख २८ हजार ६०४ कित्ता सेयर ४३ हजार ३०९ पटक खरिद बिक्री हुँदा २ अर्ब ४५ करोड ८ लाख ७८ हजार ४४९ रुपैयाँको कारोबार भएको छ ।