काठमाडौं । पछिल्लो एक हप्ताको अवधिमा नेपाली बजारमा सुनको मूल्यमा भारी वृद्धि भएको छ । गत असार १२ गतेको तुलनामा असार १९ गतेसम्म आइपुग्दा सुनको मूल्य प्रतितोलामा ११ हजार ६०० रुपैयाँले वृद्धि भएको हो ।

नेपाल सुनचादी व्यवसायी महासंघका अनुसार गत असार १२ गते शुक्रबार नेपाली बजारमा सुनको मूल्य प्रतितोला २ लाख ७९ हजार १०० रुपैयाँमा कारोबार भएको थियो । असार १९ गतेसम्म आइपुग्दा सुनको मूल्य वृद्धि भएर २ लाख ९० हजार ७०० रुपैयाँ पुगेको हो ।

महासंघका अनुसार, गत असार १४ गते आइतबार अघिल्लो दिनको तुलनामा सुन ४ हजार ७०० रुपैयाँले बढेर उक्त दिन २ लाख ८३ हजार ८०० रुपैयाँमा कारोबार भएको थियो । त्यस्तै, असार १५ गते सोमबार भने सुनको मूल्य घटेको थियो । अघिल्लो दिनको तुलनामा १ हजार ४०० रुपैयाँले घटेर सुन प्रतितोला २ लाख ८२ हजार ४०० रुपैयाँमा कारोबार भएको थियो । त्यस्तै, असार १६ गते मंगलबार पनि सुनको मूल्य घटेको थियो । अघिल्लो दिनको तुलनामा उक्त दिन ४ हजार ५०० रुपैयाँले घटेर प्रतितोला २ लाख ७७ हजार ९०० रुपैयाँमा कारोबार भएको थियो ।

त्यस्तै, असार १७ गते बुधबार पनि सुनको मूल्य घट्ने क्रम रोकिएन । अघिल्लो दिनको तुलनामा उक्त दिन ७०० रुपैयाँले घटेर सुन प्रतितोला २ लाख ७७ हजार ३०० रुपैयाँमा कारोबार भएको थियो । त्यस्तैगरी, असार १८ गते भने सुनको मूल्य बढेको थियो । उक्त दिन नेपाली बजारमा सुनको मूल्य ६ हजार २०० रुपैयाँले बढेर सुन प्रतितोला २ लाख ८३ हजार ५०० रुपैयाँमा कारोबार भएको थियो । त्यस्तै, असार १९ गते पनि सुनको मूल्य ७ हजार २०० रुपैयाँले बढेर २ लाख ९० हजार ७०० रुपैयाँमा कारोबार भएको महासंघले जनाएको छ ।