काठमाडौं । नेसन्स लिगमा इङल्याण्डले लगातार दोस्रो जित निकालेको छ । गत राति भएको खेलमा इङल्याण्डले फिनल्याण्डलाई २–० गोल अन्तरले पराजित गर्दै लगातार दोस्रो जित निकालेको हो । इङल्याण्डको जितमा दुवै गोल कप्तान ह्यारी केनले गरे ।

पहिलो हाफ गालरहित बराबरीमा सकिएको खेलमा दोस्रो हाफमा इङल्याण्डले दुइ गर्दै सहज जित निकालेको हो । लेखको ५७ औँ मिनेटमा केनले गोल गर्दै टोलिलाई अग्रता दिलाए । त्यस पछि खेलको ७६ औँ मिनेटमा उनै केनले गोल गरे र अग्रता दोब्बर बनाए । यो केनको राष्ट्रिय टोलीबाट १०० औँ खेल थियो । त्यस पछिको बाँकी समयमा दुवै टोलीले गाल गर्न सकनेनन् र इङल्याण्ड विजयी भयो ।

लिग बी को समूह बी मा रहेको इङल्याण्ड यो जितसँगै तालिकामा दोस्रो स्थानमा रहेको छ । पहिलो स्थानमा समान खेलमा ६ अंक नै भए पनि गोल अन्तरका आधारमा ग्रिस रहेको छ । इङल्याण्ड र ग्रिसले दुई खेलमा समान ६ अंक जोडेका छन् ।