काठमाडौं । नेपाल पुनर्बीमा कम्पनी लिमिटेडका स्वतन्त्र सञ्चालक किरण पौडेलले सञ्चालक पदबाट राजीनामा दिएका छन् । उनले चैत २० गते व्यक्तिगत तथा व्यावसायिक कार्यव्यस्तताका कारण राजीनामा दिएका हुन् ।
उनले सञ्चालक पदको जिम्मेवारीमा अपेक्षित समय र समर्पण प्रदान गर्न असमर्थ भएको कारण उल्लेख गर्दै राजीनामा पत्रमा उल्लेख गरेका छन् । कम्पनीको चैत २३ गते बसेको सञ्चालक समितिको बैठकले सञ्चालक किरण पौडेलले दिएको राजीनामा स्वीकृत गर्ने निर्णय गरेको हो ।
