काठमाडौं । साताको सेयर कारोबार हुने अन्तिम दिन नेप्से परिसूचक घटेर बन्द भएको छ । अघिल्लो दिन दोहोरो अंकले घटेको बजार आज भने १.१३ अंकले घटेको हो ।

आज सेयर बजार परिसूचक २६००.७८ विन्दुमा पुगेको छ । आज सेयर बजारमा १३५ कम्पनीको सेयर मूल्य घटेको छ । त्यस्तै आज १२० कम्पनीको सेयर मूल्य बढेको छ । आज १९ कम्पनीको सेयर मूल्य स्थिर रहेको छ । आज सेन्सेटिभ इन्डेक्स पनि ०.५८ अंकले घटेर ४५३.६० विन्दुमा पुगेको छ । आज सेयर बजारमा १३ उपसूचकमध्ये ८ वटाको मूल्य घटेको छ भने ५ वटाको बढेको छ ।

आज परिसूचक झिनो अंकले घटेको दिन कारोबार भने वृद्धि भएको छ । अघिल्लो दिन ४ अर्ब ६१ करोड माथिको कारोबार भएको बजारमा आज भने ६ अर्ब ८६ करोड माथिको कारोबार भएको छ । आज ३६७ कम्पनीको १ करोड ६ लाख ६० हजार ५३७ कित्ता सेयर ५३ हजार ४३२ पटक खरिद बिक्री हुँदा ६ अर्ब ८६ करोड ७ लाख १८ हजार ६५८ रुपैयाँको कारोबार भएको छ ।