काठमाडौं । सिद्धार्थ बैंक लिमिटेडले संस्थाक सेयर लिलाम बिक्रीमा राखेको छ । बैंकले ३ लाख ११ हजार ६४३ कित्ता संस्थापक सेयर सर्वसाधारणका लागि लिलाम बिक्रीमा राखेको हो ।

बैंकले यसअघि उक्त सेयर बैंककै विद्यमान संस्थापक सेयरधनीहरूले मात्रै किन्न पाउने गरी बिक्रीमा राखेको थियो तर तोकिएको समयमा संस्थापक सेयरधनीबाट निवेदन प्राप्त नभएपछि अब भने सर्वसाधारणले किन्न पाउने गरी बिक्रीमा राखेको हो ।

अतः उक्त सेयर खरीद गर्न चाहने सर्वसाधारण व्यक्ति वा संस्थाले आगामी ७ दिनभित्र आवश्यक कागजात सहित नक्सालस्थित बैंकको केन्द्रीय कार्यालयमा आफूले किन्न चाहेको सेयर संख्याको व्यहोरा खुलाई लिखित निवेदन दिनु पर्नेछ ।