काठमाडौं । सेयर कारोबार हुने साताको दोस्रो दिन सोमबार नेप्से परिसूचक दोहोरो अंकल घटेर बन्द भएको छ । अघिल्लो दिन पनि दोहोरो अंकले घटेको बजार आज पनि १३.८८ अंकले घटेर बन्द भएको हो ।

आजको कारोबार बन्द हुँदा परिसूचक २५८१.२१ विन्दुमा पुगेको हो । आज सेयर बजारमा २०० कम्पनीको सेयर मूल्य घटेको छ भने ५४ कम्पनीको सेयर मूल्य बढेको छ । आज ५ कम्पनीको सेयर मूल्य स्थिर रहेको छ । त्यस्तै आज सेन्सेटिभ इन्डेक्स पनि २.२५ अंकले घटेर ४४६.०१ विन्दुमा पुगेको छ । आज सेयर बजारमा १३ उपसूचकमध्ये १२ वटाको सेयर मूल्य घटेको छ । आज एउटा मात्रै उपसूचकको मात्रै सेयर मूल्य बढेको थियो ।

परिसूचकसँगै कारोबार रकम पनि घटेको छ । अघिल्लो दिन साढे ४ अर्ब माथिको कारोबार भएको बजारमा आज भने साढे ३ अर्ब माथिको कारोबार मात्रै भएको छ । आज सेयर बजार ३३२ कम्पनीका ९१ लाख ६७ हजार ३५९ कित्ता सेयर ६५ हजार ३१२ पटक खरिद बिक्री हुँदा ३ अर्ब ५१ करोड ५९ लाख २० हजार ७१८ रुपैयाँको कारोबार भएको छ । आज सेयर बजारमा एउटा कम्पनीको सेयर मूल्यमा सकारात्मक सर्किट लागेको छ ।