काठमाडौं । कञ्चनपुर भन्सार कार्यालय गड्डाचौकीका भन्सार अधिकृत चक्रदेव भट्टलाई जिम्मेवारीबाट हटाइएको छ। भन्सार विभागले पछिल्लो समय विवादस्पद बनेका भट्टलाई गड्डाचौकीको जिम्मेवारीबाट हटाएर त्रिपुरेश्वरस्थित विभागमा हाजिर हुन पत्राचार गरेको जनाएको छ।

भन्सार अधिकृत भट्ट र सशस्त्र प्रहरी बल नेपालका एसपी खुमबहादुर केसीबीच विवाद भएको विषय सार्वजनिक भएपछि विभागले उनलाई विभागमा तानेको हो।

एसपी केसी सशस्त्र प्रहरी बल नेपाल ३४ नम्बर गण कैलालीमा कार्यरत छन्। उनीहरूबीच भएको विवादसम्बन्धी सार्वजनिक विवरणबारे थप बुझ्नुपर्ने भएकाले भट्टलाई विभागमा हाजिर हुन भनिएको भन्सार विभागले जनाएको छ।

विभागले विवादको विषयमा आवश्यक जानकारी तथा विवरण संकलन गरी थप प्रक्रिया अघि बढाउने जनाएको छ।